Намален бројот на несреќи и смртни случаи на работните места
Работодавачите се повеќе вложуваат и го почитуваат Законот за заштита при работа, но уште треба да се делува на подигнување на свеста за негово имплементирање.
Како што беше речено на тридневниот семинар за заштита при работа во Кавадарци, минатата година во Македонија се регистрирани 19 смртни случаи и 94 повреди на работно место што е помалку од 2015 година.
Според Мико Василов, советник за инспекциски надзор и инспектор во Подрачното одделение на Државниот инспекторат за труд, секојдневните контроли за утврдување на безбедносните мерки при работа придонесоа за намалување на бројот на несреќите.
- Од претходната година на ниво на Кавадарци смртните случаи се сведени на нула. Оваа година имаше неколку потешки несреќи, но се доста помалку за разлика од претходните години. Ние со нашите надзори постојано даваме препораки, совети, како превентива, да не доаѓа до несакани последици. Минатата година и оваа година досега, драстично се подобрени мерките за безбедност и се намалени несреќите во нашиот регион, нагласи Василов.
Андријана Зафировска од Македонското здружение за заштита при работа кое го организираше семинарот, рече дека основна цел е стручно усовршување и континуирана едукација на лицата за безбедност при работа, но и на другите чинители кои делуваат во оваа област.
- Тука сме и за споделување искуства, како и добра пракса со цел унапредување на безбедноста и здравјето при работа, напомена Зафировска.
Семинарот е дел од годишната програма за обуки и се одржа во соработка со локалната канцеларија на Државниот инспекторат за труд. Заврши денеска, а предавачи беа стручни лица од повеќе компании во Тиквешкиот регион и доктор по медицина на труд.
Ново на Сител
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.