Најмалку 65 убиени во напад врз полициска академија во Либија
Најмалку 65 луѓе загинаа во напад со камион-бомба врз тренинг-центар на полициска академија во западниот либиски град Злитен, јави ДПА, повикувајќи се на изјава на директорот на локалната болница Абдел Мотлеб бин Халим.
Повредени се најмалку 127 лица. Некои од повредените се одведени во болница во соседниот град Мисрата.
Градоначалникот на Злитен Мифтах Лахмади истакна дека камионот бомба експлодирал во момент, кога во тренинг центарот имало стотици регрути.
Злитен се наоѓа на 160 километри источно од престолнината на Либија, Триполи.
Во тренинг центарот се обучувале и членови на либиските гранични патроли.
Злитен е под контрола на либиската влада непризнаена од меѓународната заедница.
Засега никој не ја презеде одговорноста за нападот, наведува ДПА. Се претпоставува дека зад него стојат луѓе, лојални на групата Исламска држава.
Злитен е бизнис центар, во кој засега не е познато дали има исламисти, но сепак тој се смета за центар за илегални имигранти, кои се обидуваат да стигнат до Европа преку Средоземното Море.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата