Наградени средношколците кои произвеле најдобро вино во домашни услови
Во чест на денешниот ден на кој во светот се слави младото вино, во земјоделското училиште во Кавадарци беа доделени награди за учениците кои произвеле најдобро вино од годинашното грозје. Средношколците кои го печат занаетот низ теорија и пракса во училиштето, вино произведуваат во домашни услови, заедно со нивните родители. Се оценуваа триесетина мостри на вина, бели и црвени.
Најдобрите вина произведени од ученици беа прогласени од стручни лица, еминентни енолози, кои ги дегустираа, а доаѓаат од две познати винарии од Кавадарци.
-Се ова е дел од процесот на производство на виното. Сега се проверува до кој степен тоа се развило, за да се знае што треба да се стори понатаму. Во училишната лабораторија која почна да функционира минатата година, се следат сите фази од зреењето на виното и се одредуваат сите негови параметри , како и енолошките постапки потребни за да се добие убаво, вкусно и здраво вино, рече директорот на училиштето „Ѓорче Петров”.
Тој изрази надеж дека учениците и наставниците ќе продолжат со активности и ќе бидат пример за тоа, како треба да се работи, за да се дојде до успешен производ.
Дека квалитетот на произведените вина е одличен, потврди и професорот по стручни предмети во училиштето, Горан Керов. Тој нагласи дека вината допрва ќе зреат и ќе бидат уште поубави.
Ново на Сител
-
Гаши - Агелер: Многу е важна улогата на Северна Македонија и САД во промовирање на регионалната стабилност
-
Меџити: Новата влада ќе се формира на 19 или 20 јуни
-
30-годишник избоден во близина на обложувалница во Охрид
-
Еден загинат во експлозија во полска фабрика за вооружување
-
САД и Полска почнуваат заедничка операција за помош на Украина во борбата против дезинформациите на Кремљ
-
Беќировиќ: Декларацијата од Сесрпскиот собор го реинкарнира проектот за голема Србија
-
Лавров: Растот на БРИКС е показател на создавањето мултиполарен свет
-
Најмалку 55 загинати и 155 ранети лица во судир меѓу два клана во Сомалија