Началникот на ГШ на АРМ во посета на Армијата на вооружените сили на САД за Европа
Началникот на Генералштабот на АРМ, генерал-потполковник Методија Величковски ја предводи делегацијата на АРМ која престојува во официјална посета на командата на Армијата на Вооружените сили на САД за Европа (УСАРЕУР - Unated States Army Europe) во Визбаден, Германија.
Во текот на денешниот ден, началникот на ГШ на АРМ оствари средба со командантот на УСАРЕУР, генерал-потполковник Фредерик „Бен“ Хоџис со кого разговараше за позитивните резултати од досегашната соработка, заедничкото учество во меѓународни вежби, поддршката во изведување на обуката, зајакнувањето на одбранбените капацитети и зголемувањето на борбената готовност со цел постигнување на потполна интероперабилност со армиите на НАТО земјите членки.
За време на оваа прва официјална посета на еден началник на ГШ на АРМ на командата на УСАРЕУР се одржаа и неколку одвоени состаноци со раководни старешини од командата на кои се разговараше за модалитетите и начинот на заедничкото учество во понатамошните позначајни активности организирани од оваа команда на Армијата на САД.
- Докажаната доверба од досегашниот заеднички настап во активности се потврдува и со постојаните менторирања во изведување на обуката од страна на стручни тимови од УСАРЕУР, учеството на припадници на АРМ во заедничките сили за обезбедување на главната команда на мисијата „Одлучна поддршка“, и вклучување во големите вежби на НАТО во Европа како што беше минатогодишната најголема вежба „Анаконда 16“ но и претстојното учество на „Сајбер гардијан-17“. Меѓусебните средби на највисоко ниво ја изразуваат континуираната поддршка која ја пружа Армијата на САД во остварување на аспирациите за полноправно членство на Република Македонија во НАТО алијансата, се наведува во соопштението од Генералштабот на АРМ.
Средбата на генерал - потполковник Величковски со генерал-потполковник Хоџис е втора по онаа што се одржа во ноември во Македонија.
Ново на Сител
-
Тема на денот со Ивица Боцевски
-
„Шопен под отворено небо“ во Градскиот парк
-
ДИК ги усвои конечните резултати: Гордана Силјановска Давкова е новата претседателка на Македонија
-
ВМРО-ДПМНЕ ги почна преговорите со коалицијата „ВРЕДИ“
-
Состанок на Европскиот фронт на ДУИ
-
ДИК во понеделник ќе ги разгледува приговорите за парламентарните избори
-
Мицотакис бара почитување на Преспанскиот договор
-
Тројца министри за здравство стануваат пратеници