На патот Дебар – Струга целосно изгоре автомобил, за среќа нема повредени
На патниот правец Дебар-Струга вчера попладне од сеуште непознати причини на дванаесеттина километри од Дебар се запалил автомобил во движење, но за среќа нема повредени.
-Вчера околу 13:00 часот, на патот Дебар-Струга, во близина на дебарското село Отишани, опожарен е патнички автомобил „Мерцедес“ со скопски регистарски ознаки управуван од С.И.(47) од Скопје. Пожарот се појавил во текот на управување, во предниот дел на возилото по што возачот веднаш го сопрел возилот и со сопатникот М.Р.(29) од Скопје, го напуштиле автомобилот кој, набрзо целосно изгорел, изјави за МИА,Стефан Димоски,портпарол на Секторот за внатрешни работи од Охрид.
Според очевидци голема среќа е што двете лица од возилото излегле на време,со што е избегната голема трагедија.
-Притекнавме на помош и гасневме со противпожарни апарати,но пожарот наеднаш го зафати целото возило. За рекордно кусо време пристигна и возило на Територијалната противпожарната единца од Дебар но возилото целосно е уништено, вели очевидец.
Од Општата болница во Дебар, потврдуваат дека по добиен телефонски повик екипа на итна медицинска помош била испратена на местото на несреќата. Двете лица биле префрлени во болницата, истите немале повреди само претпрен голем шок. По дадената потребна лекарска помош и престој во болницата од неколку часа се пуштени дома.
Ново на Сител
-
Тема на денот со Димитар Ковачевски, претседател на СДСМ
-
Годишнина од заседата кај Ваксинце
-
Христијаните го празнуваат Велики петок
-
Обичаи и верувања за Велики петок
-
Дали и кој ќе им ги врати парите на граѓаните кои платија поскапо осигурување за регистрација на возилата?
-
Дали Токсикологија е одраз на функционирањето на здравствениот систем?
-
Македонија на 36-то место на индексот за слобода на медиумите за 2024 година на „Репортери без граница“
-
Тивок бојкот или уште поголема излезност? Мицкоски уверува дека цензусот за Силјановска е обезбеден