На аукција продаден ручек со Ворен Бафет за 3,4 милиони долари
Анонимен купувач се согласил да плати повеќе од 3,4 милиони долари за приватен ручек со американскиот милијардер Ворен Бафет, при што заработката од оваа аукција ќе биде донирана во хуманитарната фондација „Глајд“ за помош на бездомници.
Износот од 3.456.789 долари што е понуден за ручек со Бафет е изедначен со претходниот рекорд од 2012 година, кога исто така анонимен купувач понуди идентичен износ за да руча со милијардерот, а тоа воедно е и највредната работа која е продадена во хуманитарни цели на иБеј.
Аукцијата на иБеј во траење од една недела, чија цел беше собирање средства за фондацијата „Глајд“ од Сан Франциско, почна минатата недела и заврши доцна синоќа.
Бафет досега за фондацијата „Глајд“ собрал повеќе од 20 милиони долари, а тој почнал да нуди вечера со него на аукција откако неговата сопруга Сузи, која волонтирала во таа фондација, му ги објаснила нивните активности. Сузи Бафет почина во 2004 година, но соработката меѓу Ворен Бафет и фондацијата се одржува до денес.
Ново на Сител
-
37 годишник го запалил мостот „Беласица“, лежи во затвор за тешка кражба
-
Во март пониски увозните цени од одделот Кокс и рафинирани нафтени производи
-
Камионџија од Украина пронајден починат на Табановце
-
Пленковиќ го доби мандатот за состав на нова влада на Хрватска
-
Продажните цени на производителите на индустриските производи во март пониски за 1,5 отсто на годишно ниво
-
Посебен режим на сообраќај во недела во Скопје
-
Сообраќајка меѓу три возила во Скопје: Повредени четири лица
-
Град Скопје: Премиерот од Форино кога излегува од дома до Влада ги гаси попатно сите семафори