Маск на Твитер стави новата анкета со прашање за враќање на укинатите профили
Елон Маск почна ново истражување за враќање на суспендираните кориснички профили на Твитер, користејќи го истиот метод како и во случајот со поранешниот претседател Доналд Трамп, пренесуваат франмцуските медиуми.
„Дали Твитер треба да понуди општа амнестија за укинатите налози, под услов корисниците да не го прекршуваат законот и да не се впуштаат во скандалозно „спамирање“? Да/Не“, е прашањето на кое требаше да одговорат корисниците на Твитер.
Пет часа подоцна пристигнаа одговори од околу два милиона корисници, кои во огромно мнозинство гласаа „ЗА“, односно за повторно активирање на прекинатите сметки.
Маск, новиот сопственик на Твитер, откако анкетата за Трамп покажа дека над 50 отсто гласале за обновување на профилот на поранешниот претседател, во сабота го врати својот профил, кој беше суспендиран по минатогодишниот напад на американскиот Капитол.
„Народот одлучи. Трамп ќе биде вратен на функцијата“, напиша Маск пред четири дена на Твитер по 15 милиони одговори на истражувањето за враќање на профилот на американскиот милијардер и поранешен претседател. За негова „рехабилитација“ гласале 51,8 отсто од корисниците на Твитер.
„Vox Populi, Vox Dei“, напиша Маск на Твитер, латинска фраза што значи „гласот на народот е гласот на Бога“.
Твитер претходно врати некои контроверзни профили што беа забранети или суспендирани, вклучително и сатиричната веб-страница Babylon Bee и на комичарката Кети Грифин.
Ново на Сител
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција
-
Сообраќајот на државните патишта се одвива непречено
-
Променливо облачно и потопло со сончеви периоди
-
ВМРО-ДПМНЕ демантира дека разговара за ресори и поделба на власта со „Вреди“
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа