Макрон: ЕУ може да умре
Економијата на ЕУ треба да стане поконкурентна со САД и Кина или „може да умре“, рече францускиот претседател Емануел Макрон на настанот „Глобален дијалог“ во Берлин.
Според Макрон, 27-члениот блок заостанува зад Вашингтон и Пекинг, кои ја надминаа ЕУ по економско производство и инвестиции.
Тој предупреди дека Европската унија е во многу несигурна ситуација и може да се соочи со проблеми доколку не успее да го продлабочи својот единствен пазар и да ја реши „фрагментацијата“.
-ЕУ може да умре, ние сме на прагот на многу важен момент. Нашиот поранешен модел заврши – премногу регулираме, а премалку инвестираме.
Во следните две до три години, ако ја следиме нашата класична агенда, ќе бидеме надвор од пазарот, рече Макрон.
Францускиот претседател, исто така, предупреди дека ако ЕУ не успее итно да ги реформира регулативите, блокот ќе биде принуден да спроведе спасувачки план за пет до десет години.
Тој ги повика земјите-членки да извршат притисок за фер правила за глобална трговија, а исто така го повика Брисел да го финализира пакетот финансиски правила на банкарската унија, според Блумберг.
Ново на Сител
-
Влада: Приоритет е подобрувањето на здравствениот систем, здравствената заштита, услугите за пациентите
-
Раководството на Реал Мадрид незадоволно од настапите на тимот
-
Вавринка со историско достигнување
-
В недела локални избори во Босна и Херцеговина
-
ПСЖ ќе се обиде да го привлече Салах со тригодишен договор
-
Мицкоски, Агелер и Мисајловски на методско-показна вежба на „Криволак“
-
ИЈЗ: Расте бројот на новозаболени и на смртни случаи од рак на дојка, лани починале 346 жени
-
Макрон: ЕУ може да умре