Лидерите на ЕУ се согласија да ги забрзаат реформите на пазарот на електрична енергија
Лидерите на Европската унија се согласија да ги забрзаат реформите на пазарот на електрична енергија со цел да се избегнат големи скокови на цените како што беше случај минатата година.
Лидерите на земјите-членки, исто така, синоќа, во нивните заклучоци усвоени на првиот ден од дводневниот самит, ги повикаа Советот на ЕУ и Европскиот парламент „што е можно поскоро да постигнат договор за сите релевантни предлози за забрзување зелената транзиција и да се продолжи со работа на предложената реформа за создавање пазар на електрична енергија без одлагање што ќе биде усвоена до крајот на 2023 година“.
Минатата недела ЕК предложи реформа на пазарот на електрична енергија, чија цел е да се обезбеди стабилност на цените преку долгорочни договори и да се поттикнат инвестициите во обновливи извори на енергија.
Една од темите за кои се разговараше на Самитот на ЕУ беше улогата на нуклеарната енергија во зелената транзиција, за која речиси и да нема договор меѓу членките. Од една страна, Франција ги предводи земјите кои се залагаат за нуклеарната енергија да се третира како зелена, што би донело одредени придобивки кога се инвестира во тој вид енергија. Земјите како Данска, Германија и Шпанија се против тоа, тврдејќи дека интегрирањето на нуклеарната енергија во законот ќе ги поткопа напорите за проширување на обновливите извори на енергија како ветерот и сонцето.
Ново на Сител
-
Сиљановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот
-
Српско МВР: Се утврдуваат фактите и околностите под кои во полицијата починал Д.Д. осомничен за случајот со Данка И.
-
Гордана Сиљановска Давкова го доби Уверението од ДИК за претседател на државата