Лавров: Русија е подготвена да ги нормализира односите со САД
Русија е подготвена да ги нормализира односите со САД, што ќе биде засновано врз рамнотежа на интересите, изјави денеска рускиот министер за надворешни работи Сергеј Лавров.
- Не се вознемируваме премногу, но ќе бидеме подготвени да дадеме свој придонес за нормализирање на односите со САД. Тоа е можно само ако е засновано на рамноправност, взаемно почитување и рамнотежа на интересите, таму каде што имаме заеднички цели, како што е борбата против тероризмот, истакна Лавров.
Шефот на руската дипломатија на прес-конференција по средбата со унгарскиот колега Петер Сијарто истакна дека Москва внимателно го следи развојот на ситуацијата во САД и веќе забележала дека голем број надворешнополитички приоритети на американскиот претседател Доналд Трамп се согласно ставовите на Русија.
- Гледаме дека многу важни надворешнополитички прашања кои ги спомена Трамп се согласуваат со она што го кажа рускиот претседател Владимир Путин за руските надворешнополитички приоритети, нагласи Лавров.
Тој порача дека Москва е подготвена да ги земе предвид одредени предлози на Трамп, како на пример начините за борба против тероризмот кои ќе ги претстави администрацијата на американскиот претседател.
Ново на Сител
-
Пукање на автопатот Тетово - Скопје
-
Рибочуварка на Тиквешко Езеро физички нападната од три лица
-
Во Атина уапсени две лица кои пуштале во продажба ковид тестови и медицински маски со изменет рок
-
Фамелос: Ратификацијата на меморандумите ќе ја унапредеше соработката
-
Викендов променливо облачно, наместа нестабилно со дожд и грмежи
-
Амбасада на САД во Сараево: Додик е на опасен пат, „раздружувањето“ на БиХ значи крај на РС
-
На ГП Табановце влегле и излегле над 18.000, на ГП Богородица скоро 16.000 патници од 10 вчера до 10 утрово
-
Џафери: Значењето на светите браќа Кирил и Методиј е безвременско и обврзувачко, секој да го најде патот и да се вложи во напредокот