Курц: Се надевам на напредок во разговорите Белград-Приштина во следните месеци
Австрискиот канцелар Себастијан Курц изјави дека ангажманот на САД во процесот на дијалог меѓу Белград и Приштина е позитивен, како начин да се реши конфликтот што двате страни ги држи како заложници толку долго.
– Сепак, тоа целосно зависи од двете страни во дијалогот. Се надевам дека ќе има напредок во наредните месеци, рече Курц во интервју за приштински „Телеграф“.
Курц го пофали претставникот на ЕУ за дијалогот меѓу Белград и Приштина, Мирослав Лајчак, велејќи дека тој е извонреден дипломат, кој има поддршка од Австрија.
– Како што можете да видите, сите се согласуваме. Специјалниот претставник на ЕУ Лајчак ужива наша целосна поддршка. Го познавам уште од времето кога беше министер за надворешни работи. Лајчак е дипломат со исклучително искуство, рече Курц.
На прашањето за предлогот, кој вклучува промена на границите, австрискиот канцелар оцени дека она за што се согласуваат двете страни, не треба да се спречува.
– Нашиот пристап отсекогаш бил прагматичен. Ако двете страни се согласат, не можеме да бидеме ние тие кои ќе ги спречат да седнат на маса и да покренат какви било прашања што сметаат дека се важни. Мора да сториме сé што е можно за да олесниме сеопфатен договор меѓу Белград и Приштина, што би имало позитивно влијание врз регионот како целина, рече Курц.
Ново на Сител
-
ЈОРСМ: Дадена наредба за обдукција на починатиот притвореник од Затвор Куманово
-
Адвокат почина во Граѓанскиот суд во Скопје
-
Повторно одложен судскиот процес за Пендиков
-
Тошковски во посета на оперативниот тим „Кафез“ и Регионалниот центар за гранични работи Север
-
Османи во Стразбур, на сесијата на Комитетот на Министри на Совет на Европа
-
На Фицо ќе му биде извршена уште една операција
-
Утре стабилизирање на времето, а од сабота повторно дожд и грмежи
-
Кривична пријава за три лица, лажно нуделе градежен материјал во Охрид и Струга