Кремљ го поздрави американскиот здрав разум за стратешкиот дијалог
Руските власти денеска ја поздравија посветеноста на претседателите на Русија и САД за дијалогот за стратешка безбедност и нуклеарно разоружување и оценија дека САД „се враќаат на здравиот разум“.
Владимир Путин и Џозеф Бајден вчера потпишаа краток текст за време на нивниот прв состанок во Женева, потврдувајќи ја нивната волја да воспостават дијалог за стратешката стабилност, особено за прашањето за контрола на нуклеарното оружје.
Поранешниот американски претседател Доналд Трамп ги повлече САД од неколку билатерални и меѓународни договори.
-Иако текстот е многу краток, тој, сепак, е заеднички документ за стратешката стабилност, што значи дека двете земји се одговорни не само пред својот народ, туку и пред целиот свет, рече портпаролот на Кремљ, Дмитриј Песков.
Помошникот на шефот на руската дипломатија, Сергеј Рјабков, можноста за дијалог за нуклеарно разоружување и отфрлањето на нуклеарната војна ги оцени како „вистински успех“.
По средбата, и претседателите Путин и Бајден оценија дека имале конструктивен разговор, и покрај ривалството и длабокото несогласување за бројни прашања.
Ново на Сител
-
ЦУК: Спасени две лица кои со „квадрицикл“ излетале во провалија на Шара
-
Приштина: Притвор од 30 дена за државјанин на Србија вмешан во ланските немири во северно Косово
-
ЕУ потсетува на важноста од целосно почитување на Договорот од Преспа
-
Мишел и Фон дер Лајен со честитки во Сиљановска Давкова: Очекуваме соработка на европскиот пат на земјата
-
Алексеј Навални постхумно ќе ја добие наградата за мир во Дрезден
-
Каселакис: Ја повикуваме новата власт во Северна Македонија да се вразуми
-
Пријавена кражба на документација и компјутерска опрема од канцеларијата на УВМК во Прилеп
-
Пендаровски ѝ ја честита изборната победа на Сиљановска-Давкова и ѝ посака успех на претседателската функција