Ковачевски-Рау: Полска останува гласен поддржувач на итен почеток на преговори на Северна Македонија со ЕУ
Претседателот на Владата на Република Северна Македонија Димитар Ковачевски во рамките на својата агенда на Преспа форумот за дијалог што се одржува во Охрид, денеска се сретна со министерот за надворешни работи на Република Полска и актуелен претседавач со ОБСЕ, Збигњев Рау.
Премиерот Ковачевски и министерот за надворешни работи на Полска и претседавач на ОБСЕ Рау на средбата разговараа за актуелната безбедносна ситуација и за заложбите за крај на војната во Украина, како и за други важни прашања од агендата на ОБСЕ.
Претседателот на Владата Ковачевски на средбата со Рау истакна дека Северна Македонија, како земја членка на Тројката на ОБСЕ, останува целосно ангажирана во обезбедувањето услови за прекин на воените дејствија во Украина со цврсто придржување до принципите за почитување на државниот суверенитет и територијалниот интегритет и слободата на државите да избираат свои безбедносни аранжмани.
Премиерот Ковачевски потенцираше дека Северна Македонија за време на своето претседавање со ОБСЕ во 2023 година ќе биде фокусирана на изнаоѓање начини да се дополнат процесите за стабилност, безбедност и предвидливост во регионот на ОБСЕ и пошироко врз основа на Хелсиншката повелба за безбедност и соработка како основачки акт на оваа организација.
Ново на Сител
-
Двојно убиство во Стајковци - си ги убил братот и снаата
-
Специјализантите и натаму бараат плата
-
Тема на денот со Илина Мангова, ИРИ
-
Двојно убиство во Стајковци
-
ДИК прифати 7 приговори, прегласување на 22 мај
-
Работните групи за владина коалиција на ВМРО-ДПМНЕ и Вреди стартуваат со работа
-
Нови реакции за говорот на Силјановска од европските земји и Грција
-
Анкета на ИРИ: Македонците сакаат во ЕУ, но не веруваат дека Унијата ќе ги отвори вратите