Косовскиот Парламент изгласа недоверба на Владата
Со 78 гласови „за“, 34 „против“ и 3 воздржани, на косовската Влада на премиерот Иса Мустафа и беше изгласана недоверба во парламентот.
Мустафа изјави дека неговата смена е политички памфлет насочен за дестабилизација на Косово, недоверба во институциите и создавање институционален вакуум.
Барањето за гласање недоверба на Владата го поднесоа од Иницијатива за Косово со поддршка на Алијансата за иднина на Косово и Самоопределуавње, како и 12 пратеници од редовите на партиите од власта. За соборување на Владата гласаа и пратеници на Демократската партија на Косово, на шефот на државата Хашим Тачи.
Подносителите на иницијативата ја обвинија владата дека не е во состојба да ги исполни ветувањата од кампањата, не успеале да добијат доверба од јавноста ниту да донесат важни закони.
Официјална Приштина сега е во исчекување на предвремени парламентарни избори.
Косовскиот претседател е должен веднаш по гласањето недоверба да прифати решение за одржување нови избори најдоцна 45 денови по гласањето.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид