Косово казнето со пет милиони евра поради биометриските пасоши
Австриската компанија„ОеСД“, која беше избрана за изработка на косовските биометриски пасоши го добила судскиот процес против Владата на Косово, во кој бара компензација поради доцнење во исплатата и поради привременото одложување на договорот за испорака на биометриските пасоши.
- Арбитражниот суд на Меѓународната комора за трговија во Париз донесе одлука во полза на австриската печатница. Истата предвидува косовската Влада да и исплати 4.996 милиони евра, како и други трошоци, стои во соопштението на компанијата на кое се повикува приштинскиот весник „Газета експрес“.
Против одлуката на Арбитражниот суд нема можност за поднесување жалба па властите во Приштина обврзани се износот да го исплатат во рок од 14 дена.
На ваквата одлука експресно реагираше лидерот на Алијансата за иднината на Косово Рамуш Харадинај, велејќи дека тоа е уште еден удар по џебот на косовските граѓани.
- Петте милиони евра треба да ги платат поранешниот и актуелниот министер за внатрешни работи, Бајрам Реџепи и Скендер Хисени, а не граѓаните кои едвај преживуваат поради лошото владеење, изјавил Харадинај.
Реџепи одбил да ја коменира одлуката, велејќи дека се повлекол од политичката сцена и оти не се занимава со прашања поврзани со политика.
- Немој да ме барате бидејќи јас се оддалечив од политиката и веќе не се занимавам со вакви прашања, изјави Реџепи.
Со актуелниот министер Хисени успеал да контактира порталот Индексонлајн, но тој одбил да зборува и ја прекинал врската.
Косовските биометриски пасоши од самиот почеток ги следат скандали. Поради трансакција на 1,4 милиони евра, во кој беше вклучена и германска државјанка седум лица беа осудени со вкупна затворска казна од 50 години, за „злоупотреба на службената положба и перење пари“.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево