Конференција за реформите во разузнавачкиот сектор
Стабилноста, владеењето на правото и безбедноста во Република Македонија, преку подобрување на отчетноста и управувањето на разузнавачкиот сектор против неправилна примена и злоупотреба на инвазивните методи за собирање информации, е целта на Конференцијата на тема „Реформите во разузнавачкиот сектор: постигнувања, предизвици и приоритети“ која ќе се одржи денеска во организација на ДЦАФ.
Целта на конференцијата, на која ќе се обрати претседателот на Собранието Талат Џафери, е да се поттикне политички став за придвижување на реформите, јакнење на капацитетите на субјектите во Парламентот, разузнавачкиот и правосудниот сектор и да се помогне во развојот на механизмите за надзор, одговорност и заштитните мерки во согласност со европските добри практики.
Програмата, според организаторите, има за цел да даде ефективен и одржлив придонес кон подобро демократско управување на разузнавачкиот сектор, со што ќе придонесе за подобрена стабилност, владеење на правото и безбедноста на државата и нејзините граѓани.
ДЦАФ смета дека локалната сопственост е суштинска за успешно спроведување на сите свои активности. Програмата и нејзините цели се одобрени од страна на Владата и Парламентот преку посебни Меморандуми за разбирање потпишани со ДЦАФ во мај 2018 година.
Ново на Сител
-
Амбер Алерт Европа стартува со кампања низ цела Европа со совети како да се постапи во случај на исчезнато дете
-
Тошковски: Дивиот забавен парк кај Борис Трајковски ќе биде затворен и отстранет
-
Сообраќајна несреќа кај Росоман
-
Анкета: Нова демократија со двојно поголема предност пред СИРИЗА во пресрет на европските избори
-
За прв пат во историјата Јувентус не загуби натпревар од Серија А, во кој заостануваше со три гола
-
Си Џинпинг и го честита на Сиљановска Давкова изборот за претседател
-
Денеска ќе се одржат погребни ритуали за претседателот на Иран
-
Падна и член на Советот на јавни обвинители, Мемети осомничен за поткупот во случајот на Боро Малборо