Измените на Законот за буџети пред пратениците
Предложените измени на Законот за буџет, по брза постапка, со кои ќе се овозможи Министерството за финансии да прави пренамена, прераспределба на средства на 5 отсто од буџетот, со цел побрза исплата во услови на елементарна непогода, се на дневен ред на денешната собраниска Комисија за финансирање и буџет и на продолжението на 114. седница на Собранието.
Досега Министерството имаше право да прави прераспределба на средства во буџетот во износ до пет милиони евра. Според образложението на министерот за финансии Кирил Миноски, законот се носи за во иднина постапката за обесштетување да оди многу побрзо.
На дневен ред на продолжението на 114. седница се и предлог законите за изменување и дополнување на законите за просторно и урбанистичко планирање, за јавните патишта, за земјоделство и рурален развој, во скратена постапка, Предлог законот за информативни и рекламни кампањи на јавните институции, во прво читање, како и за Предлог законот за изменување и дополнување на Законот за јавен долг, во прво читање, поднесен од пратеникот Павле Трајанов.
За законите претходно е закажана расправа во комисиите за транспорт, врски и екологија, за земјоделство, шумарство и водостопанство и Законодавно-правната комисија.
Ново на Сител
-
Не се срамев од работа, успеав на село со свој бизнис | Сања Димковска | Sitel Podcast 041
-
Тројно убиство во Србија: 22 годишник со ловечка пушка ги убил татко му, дедото и бабата
-
МЗ: Владата усвои информација за состојбата во хируршките клиники, се укажува да се замени опремата на централната компресорска станица со нова
-
Во полициска акција во шест европски земји уапсени 17 членови на албанска нарко организација
-
Тешко повреден работник во фирма во Скопје
-
Финансиска и логистичка поддршка за македонскиот олимписки спорт од меѓународните олимписки организации
-
239 куршуми одземени од кичевчанец
-
Малолетно девојче нападнато и ограбено во Аеродром