Иванов: Граѓаните треба да бидат спокојни и да имаат доверба во нашите институции и служби
Граѓаните треба да бидат спокојни и да имаат доверба во нашите институции и служби, порача претседателот Ѓорге Иванов во интервјуто за „Дневник“, коментирајќи ја актуелната безбедносна состојба во земјата.
Според него, како земја се соочуваме со постојани и директни закани по безбедноста, но сега сосема е поинаква безбедносната состојба и нашата реалност.
- Полицијата и безбедносните служби се повторно под едно старешинство и една команда. Мигрантскиот камп Идомени е испразнет. Заканата што беше од северната граница со преземената полициска акција засега е спречена. Го имаме случајот „Ќелија“ со повратниците од Сирија, кои си го признаа делото и се спогодија, додека другите 86 кои се вратени се под надзор на полицијата и се чека обвинителството да ја доврши истрагата за нив, а пак за оние што се уште се во Сирија, Ирак и Либија се прибираат сите можни информации, вели Иванов за „Дневник“.
Граѓаните, нагласува, треба да бидат спокојни и да имаат доверба во нашите институции и служби.
- Целиот тој систем на разузнавачки служби на некој начин ни беше тектонските пореметен од активностите на Верушевски и неговата група. Но го издржавме тој удар и следат реформи во тој сектор. Мигрантската криза беше и шанса да ги видиме капацитети со кои располагаме во овие служби, сега откако Верушевски не е влијателен таму. Многу ни помогна и тоа што го активиравме кризниот менаџмент. Состојбите на безбедносен план навистина се поинакви и граѓаните треба да бидат спокојни, потенцира претседателот Иванов.
Шефот на македонската држава посочува и на можноста за нов мигрантски бран и стравувањата дека ќе биде пожесток од првиот.
- Го имаме искуството од првиот бран. Справување за кое сите ни честитаа и не пофалија. За каква ефикасност на нашиот кризен менаџмент станува збор е и тоа што од милион мигранти кои поминаа низ нашата територија, во Скопје не видовме ниту еден мигрант затоа што се беше организирано, а целиот транзит обезбеден, службите беа на самото место и правеја безбедносни проверки, истакнува Иванов.
Во првиот бран, прецизира, стануваше збор за бегалци од Блискиот Исток, најчесто од Сирија, кои често доаѓаа од урбани средини и кои беа образовани.
- Но, во овој втор бран се очекува да доминираат економски мигранти кои најчесто доаѓаат од неразвиени средини во Африка, лица кои се поагресивни и кои многу ризикуваат, затоа што освен сопствениот живот нема што друго да изгубат. Сега во прашање се милиони мигранти и само тоа е доволно застрашувачки. Затоа велам наместо да ги користиме и трошиме ресурсите за обезбедување на протестите, треба да се концетрираме за вториот бран на бегалци, вели претседателот Иванов во интервјуто за „Дневник“.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево