Италија и Либија постигнаа договор за прекин на миграцискиот бран
Италија и Либија постигнаа договор за прекин на миграцискиот бран, пренесе БТА.
Италијанскиот премиер Паоло Џентилони соопшти по вчерашната средба во Рим со либискиот колега Фајез ал Сараџ дека двете земји потпишале меморандум за разбирање за зајакнување на соработката и за борба против трговијата со мигранти.
Договорот предвидува, главно, обезбедување на обука и опрема со цел поефикасна контрола на долгите граници на Либија во пустината и зајакнување на крајбрежната стража на земјата, која во моментов има ограничен број пловила.
Главниот миграциски поток од Африка кон Европа во моментов е токму од Либија кон Италија.
Сараџ предупреди дека обуката на либиската крајбрежна стража и обезбедување на повеќе помош нема да бидат доволни. Тој повика на „попрактични" европски механизми за поддршка на Либија.
Минатата година околу 181.000 мигранти пристигнаа од Северна Африка преку Средоземното Море во Италија. Околу 4.500 лица загинаа при ризичниот потфат.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид