Хрватска останува силен поддржувач на Македонија за НАТО
Военотехничка соработка, соработка во областа на военото образование и заедничкото учество во мисии во рамки на САД-Јадранската повелба се дел од областите кои ги покажуваат одличните одбранбени односи меѓу двете пријателски држави, Македонија и Хрватска.
Ова на денешната средба во Загреб го заклучија министерот за одбрана Зоран Јолевски и неговиот хрватски колега Анте Котромановиќ.
Хрватскиот министер Котромановиќ изразил задоволство од нивото и интензитетот на соработката со Република Македонија и посочил дека Хрватска и во иднина силно ќе ја поддржува нашата држава на патот кон Алијансата.
- Македонија мора што поскоро да ја добие заслужената покана за членство во НАТО. Македонија ги исполни критериумите за да стане полноправен член на Алијансата уште пред самитот на НАТО во Букурешт во 2008 година. Ние остануваме на патот кон постигнување на оваа стратешка цел, истакнал на средбата министерот Јолевски кој го придружува претседателот Ѓорге Иванов при официјалната посета на Хрватска.
Македонската армија, нагласил Јолевски, е целосно интероперабилна со армиите на земјите-членки на НАТО и функционира согласно НАТО-стандардите. Армијата тоа го докажа преку учеството во мисиите на Алијансата, особено мисијата ИСАФ во Авганистан.
Министерот Јолевски нагласил дека Македонија продолжува со реформите во областа на одбраната бидејќи силна армија е гарант за територијалниот интегритет и суверенитет на државата, а паралелно на тоа е и услов за членство во НАТО.
Македонија и Хрватска имаат развиени билатерални одбранбени односи во повеќе сегменти, меѓу кои и размената на искуства и експерти, како и унапредувањето на интероперабилноста преку учеството на кадети од Република Хрватска на „Летниот Кампус 2015“ во Република Македонија.
Ново на Сител
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови
-
Возило излетало од коловозот на патот Македонска Каменица - Виница, возачот починал
-
Во Нов Дојран во двор пронајдена граната од Пртва светска мвојна