„Хјундаи“ планира инвестиции од 52 милијарди долари за развој на електрични автомобили
Корејскиот автомобилски концерн „Хјундаи“ во следните пет години планира да инвестира околу 52 милијарди долари за развој на електричните автомобили, се вели во денешното соопштение за јавноста на компанијата.
Планот е поместен во објавената „Стратегија 2025“, план за развој на компанијата до 2025 година.
Преминот на автомобилската индистрија кон технологии со нула издувни гасови со штетни супстанци и автономно возење со паметни решенија има потреба од огромни инвестиции, се вели во документот.
„Хјундаи“, исто така, ја разгледува можноста за развој на летечки автомобили и нивна комерцијализација, изјави извршниот потпретседател на компанијата И-Сан Чонг.
Во плановите на компанијата е да се најде меѓу трите светски лидери по производство на акумулатори за автомобили и моторни елементи до 2025 година, со годишни продажби до 670 илјади електромобили, од кои 560 илјади се коли со погон на батерии.
Покрај тоа, компанијата планира намалување на расходите до 29 милијарди долари. Објавени се планови за откуп на свои акции во сума од 252 милиони долари на почетокот на 2020 година.
Американските медиуми истакнуваат дека водечките произодители на автомобили во Јужна Кореја земаат залет да го надоместат пропуштеното во трката со конкуренцијата и да излезат на пазарот со нови патнички автомобили.
По вестите за новите инвестициски планови на компанијата, акциите на „Хјундаи“ пораснаа за два отсто.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп