Хјуман рајтс воч: Не треба да се дозволи влез на Хрватска во Шенген
Водечката меѓународна организација за човекови права Хјуман рајтс воч (ХРВ) оцени дека на Хрватска не треба да и се дозволи влез во Шенген-зоната поради третманот на мигрантите кои во таа земја влегуваат од соседна Босна и Херцеговина.
Во својата изјавата, организацијата ја критикува Европската комисија, која минатиот месец оцени дека Хрватска е подготвена да се приклучи на Шенген-зоната.
ХРВ смета дека „незаконското и насилно враќање на барателите на азил и мигрантите би требало да ја дисквалификува Хрватска за членство во Шенген-зоната, а дека Еврокомисијата испраќа порака дека кршењето човекови права не е пречка за придружување во просторот на патување без граници.
Официјален Загреб засега не даде коментар на извештајот на невладината организација. Хрватските власти, во повеќе наврати ги негираа обвиненијата за злоставување, упатени од страна на мигрантите и групите за човекови права.
Европската комисија во октомври оцени дека Хрватска ги исполнила неопходните критериуми за влез во Шенген-зоната и го повика Советот на ЕУ да ја вклучи Хрватска во просторот без внатрешни гранични контроли.
– Европската комисија смета, врз основа на резултатите од шенгенскиот процес за евалуација започнат во 2016 година, дека Хрватска ги презела неопходните мерки за да ги обезбеди потребните услови за целосна примена на правилата на Шенгенот и дека се исполнети стандардите – се наведува во соопштението на Комисијата.
Бугарија и Романија уште од 2011 година имаат позитивна евалуација од Европската комисија, но се уште не се дел од Шенген просторот, бидејќи нема согласност од сите држави.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови