Градежни работи на повеќе сообраќајници во Скопје
Град Скопје соопшти дека викендов 5-ти и 6 август, на поголем број на локации во Скопје се одвиваат градежни работи за подобрување на патната и комунална инфраструктура во Скопје. Поради тоа, на одредени локации се воведени посебни времени сообраќајни режими и учесниците во сообраќајот треба да се движат со зголемена внимателност согласно со условите на патот.
Овој викенд ќе продолжи асфалтирањето на булеварот „Борис Трајковски“, на потегот од поранешната фабрика „Стакларница“ до влезот во населбата Пинтија. Минатата недела почна асфалтирањето на две сообраќајни ленти со цел возилата повеќе да не се движат по земјен пат, а викендов почна и асфалтирањето на другите две ленти.
- Градежни работи се одвиваат и на две ленти од булеварот „Васко Карангелевски“ во Аеродром, каде деновиве заврши нанесувањето на вториот слој на асфалт, од типот сплит мастик. Со завршувањето на овие две ленти, сообраќајот ќе се префрли на нив, додека градежната механизација ќе започне со отстранување на оштетениот асфалт од другите две ленти, информира Град Скопје.
Во рамките на проектот за реконструкција на коловозните ленти пред автобуските стојалишта, градежни работи се одвиваат и на булеварот „Александар Македонски“, во близина на спортската сала во Автокоманда.
Градежни работи се одвиваат и на бул. „Партизански одреди“ на потегот од крстосницата на бул. „8 Септември“ до ул. „Френклин Рузвелт“.
Град Скопје апелира до сите учесници во сообраќајот да ја почитуваат поставената патна сигнализација и да ја проспособат брзината на движење на условите на патот.
Ново на Сител
-
Министерство за правда изрази благодарност до турските власти за екстрадицијата на Палевски
-
МВР: Екстрадиран Љупчо Палевски, пренесен е во КПУ Затвор Скопје
-
АМСМ: Камионите се пренасочуваат од Блаце, има проблем со терминалот
-
Путин: Руските сили напредуваат на сите фронтови во Украина
-
Герапетритис: Ќе бидеме строги за верното и доследно спроведување на Договорот од Преспа од Северна Македонија
-
Палчо вечерва слетува во Македонија - ќе биде пренесен во Шутка
-
Грчки пратеник го искина Преспанскиот договор при собраниска седница
-
Пронајдена почината Аргентинка во хотелска соба во Охрид