Тенис
16. November 2020 - 20:01

Ѓоковиќ стартуваше со победа против Шварцман

Во Лондон се игра завршниот тениски Мастерс на кој со внимание се следат настапите на Новак Ѓоковиќ и Рафаел Надал. 
Првиот светски тенисер  за противник на стартот го имаше Диего Шварцман и успеа за нешто повеќе од час и половина  да го совлада со 6-3 и 6-2. 
Српскиот тенисер несигурно стартуваше во мечот и дозволи брејк на Аргентинецот за водство од 2-1. Ова како да го разбуди фаворитот и со два брејка го освои сетот за да во вториот  одигра уште подобро  и загуби само два гема. 
Ова е шести пораз на Шварцман во исто толку дуели со Ѓоковиќ кој ја забележа 33-тата победа на завршниот турнир со што постави нов рекорд со една победа повеќе од Федерер. 
Рафаел Надал на стартот исто така одигра убедливо и во два сета го совлада Русинот Рубљев. 
Во вториот меч од групата „Токио 1970“, вечерва од 21 часот играат Русинот Данил Медведев и Германецот Александер Зверев.