Синер: Титулата на Вимблдон е остварување на сонот
Светскиот тенисер број 1, Јаник Синер, изјави дека освојувањето на титулата на Вимблдон е остварување на неговиот детски сон и оти научил многу од неодамнешниот пораз во финалето на Ролан Гарос.
„Пред натпреварот, разговаравме за тоа како никогаш не можевме да замислиме дека ќе бидеме тука кога бевме деца. Ова беше мојот сон, бидејќи делуваше толку далеку од местото од каде доаѓам. Сега го живеам мојот сон“, рече Синер.
Во вчерашното финале, Синер го победи шпанскиот тенисер и второрангиран на АТП листата, Карлос Алкараз, со 4:6, 6:4, 6:4, 6:4, за три часа и три минути игра.
Италијанскиот тенисер се осврна на поуките од поразот на неодамнешното финале на Ролан Гарос во кое загуби од Алкараз по пет сетови.
„Поразот во Париз беше многу болен. На крајот на краиштата, не е важно како победувате или губите, туку да разберете каде сте погрешиле и да работите на тоа. Се обидовме да го прифатиме тој пораз и продолживме да тренираме. Тоа е една од причините зошто сега го држам овој трофеј“, рече Синер, кој идиот месец ќе го прослави 24.
Синер стана првиот Италијанец во историјата со титула, а воедно ова е негов четврти грен слем трофеј кариерата.
Алкараз го доживеа својот прв пораз во финалињата на грен слем турнирите и остана на пет трофеи на најголемите турнири.
Синер за освоената титула на Вимблдон заработи три милиони фунти, додека Алкараз инкасираше 1.520.000 фунти.
Ново на Сител
-
Утре рано изутрина во Скопје авионска дезинсекција против ларви од комарци
-
На граничниот премин Табановце се чека половина час за излез од Македонија
-
Се интервенира на четири пожари на планинските подрачја во Општина Желино
-
Ѓорѓиевски на средба со градоначалникот Зоран Јанковиќ: Љубљана ќе биде град-партнер за развојот на Скопје
-
Фон дер Лајен го најави 19-от пакет санкции против Русија по синоќешниот ракетен напад врз Киев
-
МОН објави обука за наставници за примена на вештачката интелигенција во наставата
-
Почина возач откако излетал од патот кај селото Облешево
-
На Табановце се чека околу 30 минути