-->
-->
Ѓоковиќ по 9-ти пат победи во Мелбурн
-->
Најдобриот светски тенисер Новак Ѓоковиќ ја продолжува доминацијата во Мелбурн и по деветти пат го крена трофејот Норман Брукс од Австралискиот опен, откако во еднострано финале доминираше над рускиот предизвикувач Данил Медведев стигнувајќи до 7:5/6:2/6:2 победа.
Ова е 18-та гренд слем титула во фантастичната кариера на српскиот тенисер, и неверојатна 21 победа едноподруго на омилените терени во Мелбурн, каде што беше шампион и во 2019 и 2020. Со 18 големи трофеи тој се доближи на само два гренд слем трофеи од големите ривали Рафаел Надал и Роџер Федерер.
Со победата исто така се става крај на најнеобичниот гренд слем турнир во блиската историја, откако тенисерите пристигнаа во Австралија и веднаш беа поставени во карантин поради тоа што во нивните летови имаше позитивни на корона вирус. По ова, Ѓоковиќ беше на удар на австралиската јавност за писмото кое го прати со „барања“ за тенисерите да се преселат во домови кои имаат тениски терени наместо да бидат „затворени“ во хотели, нешто што беше одбиено од властите.
Потоа за Новак следуваше повредата на стомачните мускули, по која изјави дека нема да игра, обвинувањата дека намерно дава вакви изјави за да се игра ментално со противникот, невообичаената нервоза покажана на теренот… Но, сепак, на крајот тој покажа дека е подготвен да оди на новите тениски рекорди и да покаже дека е најдобриот на сите времиња.
За Медведев, пак, кој имаше 20 победи во низа од минатиот ноември, ова е втор пораз во гренд слем финалиња, откако во 2019 на САД опен загуби во пет сета од Рафаел Надал. Русинот, сепак, е еден од таа нова генерација која долго се чека на тениските терени, која треба да ги замени Ѓоковиќ-Надал-Федерер. Но, се уште не е време за тоа.
-->
-->
-->
Ново на Сител
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло
-
Уапсен поранешен помошник министер, поранешен декан и професор на Геодетскиот факултет во Хрватска
-
Палевски тврди дека власта го држи во Турција поради изборите
-
Белградски енергетски форум на 13 и 14 мај во Белград
-
Изречени 130 санкции за брзо возење на територија на државата
-
157 санкционирани возачи под дејство на алкохол