Франција не ја забранува целосно „Хуавеј“ од 5G мрежата, но воведува ограничувања
Кинеската компанија за телекомуникациска опрема Хуавеј нема да биде целосно забранета во мрежата од петта генерација (5G) во Франција, но француските оператори што користат таква опрема ќе добијат дозволи за период до осум години, јавија француски медиуми повикувајќи се на Националната агенција за безбедност на информатички системи.
„Она што можам да кажам е дека нема да има целосна забрана“, изјави Гијом Пупар, генерален директор на француската Агенција за безбедност за кибер-безбедност (Anssi), за „Ле-з-Еко“.
„Ние ги охрабруваме операторите што во моментов не користат Хуавеј да не го сторат тоа. На оние што веќе ја користат нивната опрема, ќе им издадеме дозволи за период од три до осум години“, нагласи тој.
Пупар потврди дека одлуките се подготвени и очекуваат само да бидат потпишани од владата.
Само три компании за телекомуникациска опрема – европските Нокиа и Ериксон и кинескиот Хуавеј имаат можност да снабдуваат опрема за идните 5G мрежи.
„Она што се прави со 5G во Франција е компромис. Мрежата 5G мора да биде развиена под економски услови прифатливи за операторите, како и да гарантира дека ние нема да сме зависни од една или друга опрема или земја, објасни шефот на агенцијата.
„Ние не сме против Хуавеј, ниту пак сме антикинески настроени. Станува збор за управување со ризик“, додаде тој.
Ново на Сител
-
Мицкоски: Одржав состанок на кој ги поставивме контурите на рамката врз која ќе го градиме коалицискиот потенцијал со останатите партии
-
Атина очекува да ги чуе позициите на новата Влада во Скопје, а потоа ќе коментира
-
Митрески го чека извештајот од ДИК и ќе закаже седница за инаугурација на Сиљановска Давкова во недела во 12 часот
-
Мазутот поевтинува, цената на бензините и дизелот не се менува
-
Вкупно 538 случаи на голема кашлица до 2 мај, регистрирани првите од Крушево
-
Белгиските и холандските медиуми за изборите: Гласачите изразија незадоволство од бавните преговори за членство со ЕУ
-
Во Шпанија луѓето живеат во просек 84 години
-
Лазаров побара голема поддршка од публиката пред реваншот со Фарски острови