Ердоган и Путин договарале заеднички систем за противракетна одбрана

Претседателите на Турција и Русија, Реџеп Тајип Ердоган и Владимир Путин за време на средбата во Истанбул во понеделникот, разговараа и за можно формирање на заеднички систем за противракетна одбрана, но деталите за соработка по ова прашање ќе се дефинираат во наредниот период, изјави синоќа портпарол на турскиот претседател Ибрахим Калин. 

Калин истакна дека прашањето за формирање на систем за противракетна одбрана со голем дострел било тема на преговорите и претходно, кога станувало збор за набавка на компоненти од Кина, а Анкара била подготвена со преговори да дојде до договор почитувајќи ги националните интереси на Турција. 

Портпаролот на турскиот претседател оцени дека Турција позитивно гледа на перспективата за соработка со Русија, кога станува збор за воената индустрија.