Експлозија во центарот на Атина, еден повреден | ВИДЕО
Едно лице е повредено и со изгореници пренесено во болница по силната експлозија што утрово се случи во зграда во центарот на Атина, а според првичните неофицијални информации можно е причината да е истекување на природен гас, јави дописничката на МИА од Атина.
Според грчките медиуми, експлозијата била многу силна, што се слушнала во радиус од неколку километри, а со оглед на тоа дека денеска е неработен ден во Атина, за среќа во околината немало возила или пешаци.
Повредениот маж, кој веројатно живеел во зградата во која се случи експлозијата, со сериозни изгореници бил пренесен во болница.
За гаснење на пожарот предизвикан од експлозијата интервенирале 18 пожарникари со шест возила.
Засега не постојат официјални информации за причините, но неофицијално, сценариото што се разгледува е дека истекување на природен гас ја предизвикало експлозијата.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници