Ејде: Има напредок во преговорите за Кипар

Претставникот на Обединети нации за Кипар, Еспен Барт Ејде изјави дека е постигнат напредок за компромисна формула за безбедноста по повторното обединување на етнички поделениот остров.

Но, тој додаде дека се уште претстои долг пат за структурата за безбедноста на кипарски Грци и кипарските Турци, какко и на гарантите на Кипар - Грција, Турција и Велика Британија.

Ејде по средбата со претседателот на Кипар, Никос Анастасидис истакна дека ОН го поддржува „структурирањето“ на договорот.

Кипарските Турци инсистираат турската армија да остане на Кипар, а на Турција да и се даде право да се вмешува во обединет Кипар, на што се спротиставуваат кипарските Грци.