Една година откако Приштина воведе такси за српските стоки
Денеска се навршува една година откако во сила стапија таксите на Приштина за српските стоки, прво во износ од 10 отсто, а по 12 дена и цели 100 проценти.
Мерката нанесе голема економска штета на двете страни од границата, но уште повеќе политичка, со оглед на тоа што го блокира дијалогот меѓу Белград и Приштина.
Приштина се одлучи на овој чекор откако и беше одбиено членството во Интерпол, на заседание на Генералното собрание на оваа меѓународна полициска организација во Дубаи, пренесува Танјуг.
Иако економските ефекти се значителни, од почетокот беше јасно дека не се работи за економска, туку за пар екселанс политичка мерка, коментира „Политика“.
Идејата беше Србија да се примора да ја запре „кампањата” на Белград за повлекување на признавањето на косовската независност, и во текот на ова година таквата дипломатска активност на Србија даде резултат во вод на 15 земји кои го повлекоа признавањето на Косово, пишува весникот.
Таксите, меѓутоа, го блокираа дијалогот, но Приштина остана упорна, иако Брисел и Вашингтон, а потоа и речиси целата меѓународна заедница, бараа нивно укинување, очекувајќи, во исто време и Белград да ги запре напорите за повлекување на признавањето, потсетува „Политика“.
Ново на Сител
-
ДИК ги објави првичните официјални резултати од Претседателските и Парламентарните избори
-
Зеленски го потпиша законот за продолжување на вонредната состојба и општа мобилизација
-
Онлајн работа за младите со европски плати | Јанг стори со Мими | Sitel Podcast 034
-
Бангладеш: Во удари од гром загинаа 74 луѓе за 38 дена
-
Рама в недела ќе одржи собир во Атина
-
Протести во Малме против учеството на израелскиот претставник на Евровизија
-
Турција ја одложи забраната за трговија со Израел
-
Гостиварчанец измамен за 1.500 евра - сторителот е приведен