Џонсон: Оптимист сум, но ни претстои тешка борба
Британскиот премиер Борис Џонсон во својата новогодишна порака изјави дека е оптимист, но дека на Британците и понатаму им претстои тешка борба со коронавирусот.
– Четири нации се уште се далеку од секојдневието со посета на ноќните клубови, концерти, ресторани или театри, но „светлото на надеж е запалено“ благодарејќи на вакцината, истакна Џонсон, обраќајќи им се на Англичаните, Шкотланѓаните, Велшаните и жителите на Северна Ирска.
– Знаеме дека пред себе имаме тешка борба, која ќе трае недели и месеци, поради новиот вид на коронавирус кој бара нова внимателност, додаде британскиот премиер.
Тој ја искористи новогодишната порака да им се заблагодари на луѓето на првата борбена линија во борбата против пандемијата на Ковид-19 – здравствените работници, лекарите, трговците, возачите.
Осврнувајќи се на Брегзит, Џонсон изјави дека „ова е неверојатен момент – имаме слобода во своите раце и нам ни останува од тоа да го извлечеме најдоброто“.
– Сега сме слободни да склучуваме трговски договори низ светот и да ја оствариме амбицијата да бидеме суперсила во науката, нагласи британскиот премиер.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд