Џафери со честитка по повод празникот Свети Сава
Претседателот на Собранието, Талат Џафери по повод празникот Свети Сава упати честитка до припадниците на српската заедница во Република Македонија.
– Честитки до сите граѓани припадници на српската заедница со желби за убав празничен ден, поминат во мирот и спокојот што го нуди семејниот дом исполнет со блиски и драги луѓе. За жал, сè уште над сите нас виси опасноста од пандемијата со КОВИД-19, на која се надоврзуваат и очекуваната економска и енергетска криза, што е само уште еден мотив повеќе да се сплотиме и да споделуваме и добро и лошо, и кога сме успешни и кога сме поразени, се вели во честитката.
Џафери верува дека државата како заеднички, топол и безбеден дом е земја во која најдобро се изразуваат посебностите, сепак обединети во една единствена целина во која секоја заедница е вреден дел кој на несебичен начин придонесува со тоа што најдобро може.
Во случајот со Македонија, тој додава дека тоа е заемната почит, разбирање и обединување околу најважната заедничка цел – напредна и успешна држава, безбеден и атрактивен дом за идните генерации.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје