Ди Марија: Ван Гал е причината што заминав

Аргентинскиот репрезентативец Анхел Ди Марија конечно даде побјаснување зошто по една година го напушти премиерлигашот Манчестер Јунајтед. Проблемот настанал по кавга со менаџерот Луис Ван Гал.

- Една од причините поради кои заминав беше филозофијата на Ван Гал. Тешко ми беше да се вклопам и имав кавги со него, изјави Ди Марија за медиумите во Аргентина.

Ди Марија истакнал дека по повредата менаџерот му ја сменил позицијата и тука почнале проблемите.

- Во разговорот со Лоран Блан (тренер на ПСЖ) ми е кажано дека ќе играм на истата позиција на која играв во Реал Мадрид, изјави аргентинскиот репрезентативец.

На дебито во дресот на ПСЖ во неделата Ди Марија асистираше на третиот гол за својата нова екипа и така директно влијаеше на победата од 3:0 на ПСЖ против Монако на гости.