Денот на шегата одбележан во Куманово
Децата од повеќето градинки и основни училишта во Куманово денеска маскирирани се проштаа низ градскиот плоштад и централните улици одбележувајќи го Денот на шегата 1 април.
Принцези, добри самовили, вештерки, ликови од цртаните филмови, јунаци, спајдермен, супермен, каубојци, лекари, роботи беа само дел од маските кои децата заедно со родителите и наставаниците ги избраа за Денот на шегата. Помалите организираа прошетка во дворовите на градинките, а децата од големите групи се прошетаа на градскиот плоштад.
Според Лила Божиновска, одговорна учителка од „Синоличка“, иако спонтано собрани, децата имале можност да покажат како се маскирани и барем за миг да ги доживеат ликовите за кои тие мечтаат и со кои неретко се идентификуваат.
Вечерва со почеток во 19 часот во Центарот за култура „Трајко Прокопиев“ ќе се одржи традиционалната манифестација „Маскенбал“.
Директорот на установата Сашо Костовски, истакна дека ова е традиционална манифестација која се одржува од 1994 година и дека исто како и претходните години очекува голем интерес.
Годинешнава манифестација ќе ја водат актерите од кумановскиот театар Марко Трајковиќ и Александра Михајловска. На манифестацијата стручно жири ќе додели прва, втора и трета награда, награда за иновативна маска, групна маска и за сценски настап.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот