Дејвид Гер нов амбасадор на ЕУ во Македонија

Новиот шеф на Мисијата на Европската Унија во Република Македонија, Дејвид Гер, во моментов му ги предава акредитивните писма на Претседателот Стево Пендаровски со што и официјално ја презема функцијата која до сега ја извршуваше евроамбасадорот Самјуел Жбогар. Гер во Скопје пристигна минатата недела. На социјалните мрежи порача дека сака да ја запознае целата земја и нејзиниот народ, паралелно давајќи поддршка на процесот на евроинтеграција.