Дали аспиринот може да излечи еректилна дисфункција?
Научници од Универзитет во Истанбул, во период од шест недели, го следеле однесувањето кај 184 мажи, на просечна старост од 48 години, од кои околу 70 отсто од нив не можеле да постигнат ерекција.
На група од 120 мажи и бил даван аспирин од 100 милиграми, додека останатите добивале плацебо. Во период од шест недели, научниците, од време на време, им поставувале две прашања:
1. Дали можевте да ги ставите својот пенис во вагина?
2. Дали ерекцијата беше доволно долга за да би имале успешен однос?
Двете групи на мажи, во околу 50 отсто од случаите, на првото прашање одговориле со „да“, а помалку од една третина од нив од секоја група потврдно одговориле и на второто прашање. До крајот на истражувањето нивните одговори станувале различни.
После шест недели, мажите кои земале аспирин, на првото прашање одговарале позитивно во 88.3 отсто од случаите. 78 отсто од нив позитивно одговориле и на второто прашање. Научниците тврдат дека тие бројки не се далеку од оние кои се однесуваат на употребата на вијагра.
Мажите кои шест недели земале плацебо, на првото прашање одговориле со „да“ во 59, а на второто во 43 отсто од случаите.
Коментирајќи го фактот дека состојбата на испитаниците до крајот на истражувањето се подобрила, главниот автор на истражувањето доктор Зеки Бајрактар, вели дека некои мажи имаат поголем волумен на тромбоцитот од останатите.
Уролозите, меѓутоа, предупредуваат дека истражувањето на опфатило голем дел од пациентите кај кои ризикот од еректилна дисфункција е најголем, а тоа се заболените од дијабетес, хипертензија и коронарни артериски болести.
„Потребни се дополнителни истражувања за да може да се утврди дали аспиринот навистина може да спречи и излечи еректилна дисфункција“, смета докторот Даршан Пател, од Одделението за урологија во еден Медицински факултет.
Ново на Сител
-
Управен пред одлука
-
ДИК се пожали на притисоци, членовите стравуваат за сигурноста
-
Мицотакис му одговори на Мицкоски: Патот кон ЕУ ќе биде затворен без почитување на Преспанскиот договор
-
Вархеи: Западен Балкан да биде подготвен за влез во ЕУ до 2027 година
-
Таравари: Владата ќе биде договорена до петок
-
Османи во Стразбур лобира за прием на Косово во Советот на Европа
-
Синдикатот на болницата во Лешок се противи на обидот министерството да ги спои со клиниката во Тетово
-
ДСЗИ повторно ќе оди во вонредна контрола на Токсикологија