Цедевита лесно против Цибона, а Крка по две продолженија го победи Тајфун

 

 

Во хрватската пресметка меѓу Цибона и Цедевита очекувана лесна победа оствари евролигашот Цедевита со 69:81 (по четвртини 12:27, 17:21, 18:14, 22:19). Миро Билан имаше уште една фантастична партија.Центарот на Цедевита средбата ја заврши со  25 поени (само две промашувања од игра 13 од 15), 7 скокови и по една освоена топка и асистенција, за на крајот на мечот да има неверојатна валоризација на индекс на учинок од 35.

 

Словенечкото дерби меѓу Крка и Тајфун беше многу по неизвесно и драматично, а триумфот им припадна на домашните кошаркари кои забележаа победа дури по две продолженија. По регуларните 40-минути резултатот беше нерешен 74:74, а и првото продолжение заврши без победник (11:11). Во вторите „екста’’ 5-минути, повеќе среќа, но и нерви имаа кошаркарите на Крка кои го решија во своја полза со 18:11, за конечна победа од 103:96.

 

Денеска на програмата се три натпревари.

 

Од 17 часот во СЦ „Јане Сандански’’ македонскиот првак МЗТ Скопје Аеродром го пречекува белградски Партизан

 

Од 19 часот стартува дуелот меѓу Сутјеска и Унион Олимпија, а во терминот од 21 часот закажан е почетокот на мечот Игокеа - Металац.

 

16.коло ќе биде комплетирано во четврток со средбите Црвена Звезда - Задар (15 часот) и Мега – Будуќност (19 часот).

 

Табела: Цедевита 13-3 (победи-порази), Будуќност 13-2, Црвена Звезда 11-4, Мега 10-5, Крка 8-8, Тајфун 7-9, Задар 7-8, Цибона 6-10, МЗТ Скопје 6-9, У. Олимпија 6-9, Партизан 6-9, Игокеа 5-10,  Металац 5-10 и Сутјеска 4-11.