Британскиот парламент ќе расправа за Брегзит
Британските пратеници ја почнуваат денеска дводневната дебата за предлог законот кој овозможува започнување на формалниот процес за излез на Велика Британија од Европската унија.
Британската Влада брза да го започне тој процес до 31 март, рокот што сама си го постави.
Владата беше принудена да упати до парламентот предлог-закон откако Врховниот суд минатата недела пресуди дека процесот за напуштање на ЕУ не може да биде започнат без гласање во парламентот.
Министрите во британската Влада се надеваат дека предлог-законот ќе биде усвоен пред истекот на рокот на 31 март.
Британскиот министер за Брегзит Дејвид Дејвис, претходно, при претставувањето на предлог-законот, истакна дека граѓаните на Велика Британија одлучиле да излезат од ЕУ и дека Владата е „одлучна да ја исполни таа одлука“.
Дејвис изрази надеж дека парламентот ќе ја почитува одлуката на британскиот народ и брзо ќе го одобри започнување на Брегзит.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници