Брисел очекува од Црна Гора влада што ќе продолжи со ЕУ реформите
Европската Унија утрово го поздрави мирниот изборен процес во Црна Гора, но нотира дека кампањата била „интензивно поларизирана“ и бара инклузивен дијалог помеѓу сите чинители, јави дописничката на МИА од Брисел.
Во заедничкото соопштение на еврокомесарот за проширување, Оливер Вархеји и шефот на ЕУ дипломатијата, Јосеп Борел, се истакнува дека преодните наоди на набљудувачката мисија на ОБСЕ/ОДИХР констатирала дека иако изборите биле добро менаџирани, поларизацијата на јавната дебата околу прашањата врзани за црквата и националниот идентитет, како и недостатокот на рамнотежа во медиумското покривање во корист на власта, се прашања кои треба да се решат.
– Кога извештајот на ОБСЕ/ОДИХР ќе биде готов и препораките поднесени, сите политички чинители и релевантни институции треба да се посветат на транспарентен, одлучен и инклузивен дијалог за имплементација на овие препораки и да ги решат долгогодишните изборни недостатоци навремено пред следните избори, порачаа Вархеји и Борел.
ЕУ се надева дека следната црногорска влада ќе продолжи да ги исполнува реформите поврзани за членство во ЕУ.
– Црна Гора е многу напредна во пристапниот процес кон ЕУ и следните месеци треба да бидат искористени за да се продлабочат и забрзаат политичките и економските реформи, посебно во делот на владеењето на правото, стои во реакцијата на ЕУ.
Ново на Сител
-
Едно лице загина во невремето што попладнево ја погоди Србија
-
Осуденик од затворот во Идризово ноќеска починал на Комплекс клиники „Мајка Тереза“
-
Тони Крос стави крај на кариерата
-
МЗ: Хируршките сали во Клиничкиот центар се враќаат во употреба
-
ЦУК: Околу Качаничка Клисура и Скопска Црна Гора значително нестабилна облачна маса
-
Во Кочани измамена 75-годишна жена за сума од околу 4.000 евра
-
Определен 30-дневен притвор за врховниот судија Наке Георгиев
-
Драма на автобуска постојка во Центар: Неколку лица претепале и ограбиле четири малолетници