Боб Дилан ја прими Нобеловата награда за литература
Американскиот музичар и поет Боб Дилан ја прими Нобеловата награда за литература за 2016 година, три месеци по свеченото доделување, на кое тој не присуствуваше.
Дилан ги примил Нобеловиот медал и дипломата, што традиционално им се доделува на сите добитници, на приватна церемонија во Стокхолм, организирана пред неговиот настап на претходно закажаниот концерт во шведскиот главен град.
На церемонијата не била повикана и не присуствувала ниту една медиумска куќа, ниту од Шведска, ниту од странство.
Еден член на шведската Академија изјави подоцна дека церемонијата на предавање на наградата поминала „многу добро“, како и дека 75 годишниот Дилан оставил впечаток на „фин и љубезен човек“.
Академијата претходно објави дека Дилан нема да го одржи традиционалното предавање на добитниците, на што секој од нив е обврзан, туку дека ќе испрати аудио снимка на своето предавање.
Наградата изнесува осум милиони шведски круни или 900 илјади американски долари, но тој може да не го добие паричниот дел од наградата, доколку до јуни годинава не го испрати своето предавање на нобелов лауреат.
Боб Дилан, чие родено име е Роберт Цимерман, е првиот пишувач на текстови за песни, кој доби Нобелова награда за литература, која досега им се доделуваше на поети и писатели.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд