Балканот се тресе, серија земјотреси во Турција

Земјотрес со интензитет од 4 степени според Рихтеровата скала беше регистриран денеска во западниот турски округ Маниса, соопшти турската телевизија Си-Ен-Ен-Турк.

Епицентарот на земјотресот бил во реонот на градот Акхисар. Потресот е регистриран во 9.21 часот на длабочина 11,7 километри.

Засега нема информации за повредени или за причинета материјална штета при потресот.

Земјотрес со интензитет од 3,5 степени по Рихтер беше регистриран денеска и во северозападниот округот Јалова, соопшти Си-Ен-Ен-Турк, повикувајќи се на истанбулската сеизмолошка опсерваторија Кандили.
Потресот е регистриран во 00.22 часот во реонот на градот Чинарџик. Следеа вкупно 27 последователни потреси, кои траеа до 7.45 часот.