Армаколас: Преспанскиот договор е основа за идното пријателство меѓу Скопје и Атина
Договорот од Преспа е основата за пријателство меѓу двете земји. Тој е непопуларен до одреден степен во двете земји, но важен е не само за двете земји туку и за регионот, вели Јанис Армаколас од ЕЛИАМЕП, добар познавач на приликите на Балканот.
Тој на денешната дебата насловена: „Мостови или ѕидови? Македонија и Западниот Балкан во Европа“, организирана во рамки на Форумот за граѓанско општество Скопје 2018, на која учествуваше како панелист заедно со премиерот Зоран Заев, рече дека очекува процесот околу имплементацијата на Договорот во Грција да се одвива „чувствително“ како и во Македонија, но оти е оптимист.
- Мора да сме искрени и ова е основата за пријателството во иднината. Договорот не е популарен во Грција и ќе биде подеднакво чувствително како што е и тука сега и во наредните неколку недели. Но, јас лично научив да бидам пооптимистичен низ тој процес на преговорите што се случуваше меѓу двете земји во изминатите две години, бидејќи нештата се случуваат, рече Армаколос.
Спорот за името вели, го потсетува на состојбите од 90-те години, на посткомунистичкиот и постконфликтен период и неговото решавање, според него, ќе биде сигнал не само за двете земји, туку и за целиот регион дека „конечно може да го оставиме зад нас ова наследство и да преминеме кон нешто што мора да е посветла иднина“.
- Важно е да се врати оптимизмот и надежта во регионот. За тоа ни е потребно позитивно лидерство и поддршката од ЕУ. Најважниот елемент на интеграциите е дека ја споделуваме идејата како сакаме да го организираме нашето општество, а тоа е обединувачки фактор во регионот, истакна меѓу другото експертот за Балканот, Јанис Армаколас.
Ново на Сител
-
Лидерите на регионот, ЕУ и САД на Самитот за планот за раст за Западен Балкан на 16 мај во Котор
-
Осумдесетгодишник од Теарце со изгореници заврши во болница откако му се запали домот
-
Силјановска-Давкова утре ќе го почне претседателскиот мандат со свечена изјава во Собранието
-
Честитка до Мицкоски од МД „Илинден" и Македонците во Албанија, за двојната победа на изборите
-
Силјановска Давкова: Добивањето на уверението од ДИК и прогласувањето во Собранието се формално финале на изборите
-
Приведени двајца кумановци за поседување дрога
-
Променливо време со повремен дожд и во наредните денови
-
Априлската инфлација во Албанија 2,1 отсто и понатаму најниска во регионот