Анкета: Мнозинство Срби не прифаќаат извинување од НАТО поради бомбардирањето
Мнозинство граѓани на Србија не прифаќаат извинување од НАТО поради бомбардирањето на државата пред 18 години и се противат на влез во Алијансата, покажува анкета од Институтот за европски работи.
Извинување поради бомбардирањето не прифаќаат 64 отсто анкетирани додека против членство во НАТО се 84 отсто испитаници. Членство поддржуваат само 11 отсто додека пет отсто се неопределени.
Извинување од НАТО прифаќаат помалку од третина жители на Србија.
Помалку од 40 отсто сметаат дека главна причина за бомбардирањето е политиката на Слободан Милошевиќ, 17,6 отсто тврдат дека е причина етничкото чистење на Србите во Косово, 11,3 наведуваат политички интереси додека седум отсто не знаат да наведат која било причина, јави Танјуг.
На денешен ден пред 18 години авиони на НАТО почнаа операции за бомбардирање на СР Југославија, првпат од формирањето на Алијансата без согласност од СБ на ОН. Во воздушните напади што траеја 78 дена загинаа најмалку 2.500 луѓе.
Ново на Сител
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа
-
37 годишник го запалил мостот „Беласица“, лежи во затвор за тешка кражба