Анѓушев: Работам согласно Уставот и законите
Категорично изјавувам дека во извршувањето на функцијата заменик претседател на Владата задожлен за координација на економските ресори во целост се придржуам кон почитување на законските прописи. Соодветно на тоа и во комункацијата со сите останати институции во државата се водам од интересите на државата и граѓаните согласно законските прописи, реагира вицепремиерот Кочо Анѓушев по денешната одлука на Антикорупциската комисија премиерот Зоран Заев да отвори постапка за утврдување одговорност за носењето на владината одлука за намалување на акцизата за увоз на литиум-јонски батерии.
Анѓушев не знае, како што наведува, зошто Комисијата поднела таква иницијатива, но ќе се произнесе по одлуката откако ќе ја добие во писмена форма.
-Постапувајки по предметите иницирани пред ДКСК ги доставивме сите побарани податоци и документи со цел да им овозможиме да ја утврдат материјалната вистина. Во конкретниот случај за намалување на царинските стапки за литиум-јонски батерии за акумулатори уште еднаш потврдувам дека во предметот имам доставено изјава со која се изземам од постапување и одлучување. Не ги знам причините поради кои Антикорупциската комисија ја донела одлуката. Откако ќе ја добијам на писмено, ќе можам да дадам коментар. Убеден сум во законитоста и исправноста на моето работење и ќе ги преземам сите неопходни дејствија пред надлежните органи за да се докаже вистината, бидејки не сум го прекршил закските прописи, наведува Анѓушев.
Во реакцијата дополнува и дека Владата во полн капацитет одлучува по сите прашања што се поставуваат на седница.
-Секаде каде што е можно да дојде до конфликт на интереси, уредно сум се пријавил и сум поднел изјава согласно законот, подвлекува вицепремиерот.
Ново на Сител
-
Работниците ширум Европа и Азија бараат поголеми работнички права на првомајските демонстрации
-
Почнува уписот на првачиња за учебната 2024/2025 година
-
Максим дебитираше во ВАКО-ПРО со победа
-
Извонредна организација на АФН-9 ВАКО-ПРО кик бокс настанот во Скопје
-
ДС: Само силен синдикат е гарант за работничките права
-
Притвор од 30 дена за жител на Сопиште, пронајдена дрога во неговиот дом
-
Ковачевски: Нека ни е честит 1 Мај, СДСМ секогаш била на страната на работниците
-
Мицкоски: Работничките права се прекршени, државата не води грижа за тие кои се р`бетот на економијата