Ангеловска: Пред 28 години на денешен ден донесен првиот буџет на независна Република Македонија
Пред 28 години, на денешен ден, 2-ри април 1992 година, донесен е првиот буџет на независна Република Македонија. Министер за финансии бил Методија Тошевски. Првиот буџет тежел 75,9 милијарди југословенски динари или во денешна вредност, станува збор за околу 1,2 милијарди евра.
Ова го објави на својот Фејсбук профил министерката за финансии Нина Ангеловска, која додава дека во текот на овие 28 години многу нешта се промениле, од валутата до структурата на буџетот, но останала неговата намена, неговото значење за нас како самостојна и независна држава.
– Буџетот е крвотокот на државата кој го овозможува нејзиното функционирање. Затоа и го одбележуваме Денот на буџетот, наведува министерката.
Додава дека буџетот е планот со кој во добрите времиња треба да се поттикне општествениот и економски развој, додека во лошите времиња да се одговори на потребите и да се преброди кризата.
-Во моментите кога се соочуваме со еден од најголемите предизвици кој ни се случил во последните три децении, со коронакризата, која освен здравствен, стана и предизвик за економијата, за фирмите, за работните места, сакам да ви порачам дека буџетот ќе одговори на овој предизвик. Со мерките кои ги преземаме и ќе ги преземаме, клучно е да го заштитиме здравјето на граѓаните, но и да ја одржиме во живот економијата и брзо да ја ставиме на нозе, кога здравствената криза ќе помине. Ќе се избориме со ова…заедно, порачува министерката на својот Фејсбук профил.
Ново на Сител
-
ЦУК: Куче паднало во шахта и ги изгризало оптичките кабли, без интернет биле „Филип Втори“ и Поликлиника „Букурешт“
-
Во прекин сообраќајот на патот Радовиш-Штип поради сообраќајка
-
Косовското МНР потврди дека на директорот на српската Канцеларија за Косово му е забранет влезот во Косово за Велигден
-
За Велигден претежно сончево и потопло време
-
Тепачка во Чаир - 5 лица повредени
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата