Администрацијата на Бајден загрижена Генералното собрание на ОН да не се претвори во ковид жариште
Администрацијата на американскиот претседател Џо Бајден е загрижена дека Генералното собрание на Обединетите нации може да стане ковид жариште, бидејќи, според одредени најави, како на бразилскиот претседател Жаир Болсонаро, може да се случи светските лидери кои доаѓаат во Њујорк да не ги почитуваат правилата за вакцинација.
Амбасадорката на САД во ОН, Линда Томас-Гринфилд, за Си-Би-Ес њуз изјави дека администрацијата е „загрижена за настанот во ОН што може да стане жариште и дека треба да се преземат сите мерки да се спречи состанокот на светските лидери да стане место за ширење на ковид-19 “.
За разлика од минатата година, кога пандемијата го направи виртуелен овој најголем годишен настан во ОН, овој пат политичките лидери можат да испратат видео порака, а, исто така, можат и лично да дојдат во Њјорк на сесија.
Повеќе од 100 претседатели, премиери и други политичари најавија дека ќе зборуваат во живо на седницата, а општата дебата ќе се одржи од 21 до 27 септември.
Бајден ќе зборува во Њујорк на 21 септември, а ќе биде придружуван од малку помал број претставници на Белата куќа од вообичаеното.
Претходно, властите во Њујорк со писмо до претседателот на Генералното собрание, Абдулах Шахид, побараа секој кој доаѓа во седиштето на ОН да мора да покаже доказ за вакцинација против коронавирусот.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот