Злато вредно над 600.000 евра и непријавена голема сума пари пронајдени во автобус со патници на Табановце
При вршење на детална царинска контрола на автобус на влез во државата, вчера мобилните тимови од Одделението за оперативни работи од Царинската управа на граничниот премин Табановце откриле и привремено задржале 13,3 килограми злато и непријавени 30.000 евра. Запленетото злато е со проценета вредност од над 600.000 евра.
„Поради постоење сомнеж, автобусот со македонски регистарски ознаки кој се движи на редовна линија од Пореч (Р. Хрватска) до Гостивар, заедно со патниците бил упатен на царинскиот терминал на граничниот премин. При прегледот со мобилен скенер се воочени неправилности во кровната конструкција, каде се пронајдени разновиден златен накит и златни плочки во правилна и неправилна форма. Непријавената стока – злато со вкупна тежина од 13.304 грама е привремено задржана и предадена на Одделението за истраги за понатамошна постапка.
Дополнително, при личен претрес кај еден од возачите беа пронајдени и одземени непријавени 30.000 евра, за кои е изготвен записник за девизен прекршок“ наведуваат од Царинската управа.
Ново на Сител
-
Зеленски во ЕП во Брисел: Ние се браниме себеси, ние ве браниме вас
-
Борел: Ќе побарам од лидерите на ЕУ силна поддршка за предлогот за Косово „што е на маса“
-
Прилично силен земјотрес ја стресе Албанија – Почувствуван е и во Преспа и Охрид
-
Куче трагач спаси маж по 77 часа под урнатите во Турција
-
До недела сончево и студено, од понеделник пораст на температурите
-
Бројот на жртви во земјотресот во Турција и Сирија достигна 17 176
-
Радев: Во моментов сме во состојба на вето за Македонија
-
ЕСМ: Блок 1 во РЕК Битола и ТЕЦ Осломеј вратени на мрежа, следната недела санација на Блок 2