Златен накит и 20.000 долари укредени од стан во Скопје

М.Н.К. (55) од Скопје вчера во 13:15 часот во Полициската станица Центар пријавила дека дента во периодот од 11:50 до 13:10 часот непознат сторител извршил тешка кражба во нејзиниот стан.

Како што информира МВР, сторителот насилно ја отворил влезната врата, влегол внатре извршил пребарување, одзел 20.000 американски долари, поголема количина златен накит и неколку рачни часовници и го напуштил местото.

Увид на местото на настанот извршила увидна екипа на СВР-Скопје. Се преземаат мерки за пронаоѓање на сторителот.