ЖРК Вардар и ФТЦ за старт на новата сезона во женската ракометна ЛШ

Со натпреварот меѓу ЖРК Вардар и ФТЦ што се игра вечерва во СЦ „Јане Сандански“ во Скопје стартуваа новата сезона од женската ракометна Лига на шампионите. Македонскиот шампион и европски вице првак со променет состав во однос на лани има исти амбиции пласман во финалето на завршниот турнир и конечено триумф во финалниот натпревар. Лани во финалето ЖРК Вардар загуби од унгарски Ѓер 31-30 по продолжение.

Дуелот Вардар - ФТЦ е реприза на ланската сезона кога исто така на отворањето двете екипи одиграа нерешено во Скопје 27:27. Покрај овој дуел во групата Ц играат уште Ларвик и Турингер (сабота).

Распоред на натпреварите од 1.коло:

А група: Никобинг - Гдиња, Букурешт - Крим.

Б група: Ростов Дон - Брест, Ѓер - Митјиланд.

Д група: Будуќност - Битингем, Мец - Кристиансанд.